Рособрнадзорда 2022 елда БДИ ничек узачагы турында сөйләделәр

2021 елның 14 сентябре, сишәмбе

Әгәр 2022 елның җәендә коронавирусның яңа кабынуы булмаса, Бердәм дәүләт имтиханы гадәти форматта узачак. Бу хакта Рособрнадзор башлыгы Анзор Музаев белдерде.

БДИ-2022 үткәрү форматы һәм сроклары турында карар инде көз көне үк кабул ителергә мөмкин.

- Көз көне ниләр булачагын, илдә нинди вәзгыять булачагын карарга кирәк. Узган ел без шулай ук эпидемия хәленнән чыгып карар кабул иттек, - дип белдерде Музаев. - Ковидның яңа дулкыннары булмаса һәм вәзгыять тотрыкланса, без, бәлки, элек пандемиягә кадәр булган форматта БДИ үткәрербез.