86 млн. сум җыелган: Казанда мәктәптә ату вакытында зыян күрүчеләргә ярдәм итү чаралары турында фикер алыштылар

2021 елның 18 сентябре, шимбә

Татарстан Республикасы Мәгариф һәм фән министрлыгында 175 нче гимназиядә ату вакытында зыян күрүчеләргә ярдәм итүгә багышланган түгәрәк өстәл узды.

Түгәрәк өстәлне Илсур Һадиуллин ачты. Ул җыелучыларга бердәмлек өчен рәхмәт белдерде һәм җәй көне зыян күрүчеләргә һәм һәлак булганнарның гаиләләренә күрсәтелгән ярдәм чаралары турында сөйләде.

Һадиуллин мәктәп бинасын яңартуга аерым тукталды. Шулай итеп, кыска вакыт эчендә бинаның эчке һәм тышкы ремонты үткәрелде, ә гимназия территориясендә үз бассейны барлыкка килде.

Зыян күрүчеләргә ярдәм йөзеннән 86 млн сум акча җыелган. Акча җыюда бик күп кешеләр катнашты, чөнки Казанда булган фаҗига «Республиканы гына түгел, бөтен илне дә берләштерде», - дип билгеләп үтте Россия Кызыл Хач рәисе Павел Савчук.