Казанда 900 гә якын бала тимер юлчы һөнәрендә үзләрен сынап карады
Узган җәйдә балалар тимер юлында 265 пар пассажир поездына хезмәт күрсәтелгән һәм 22,5 меңнән артык пассажир кабул ителгән.
Узган уку елында Казан балалар тимер юлында тәрбияләнүче 866 Бала төп тимер юл һөнәрләрен үзләштерде, шуларның 634 е җәйге поезд практикасын узды. Аларның 38е тимер юл транспортының профильле белем бирү учреждениеләренә укырга кергән һәм киләчәктә тормышларын тимер юлдагы эш белән бәйләргә планлаштыралар.
Балалар тимер юлларының эше, беренче чиратта, яшьләрне юл һөнәрләренә җәлеп итүгә юнәлдерелгән. Казан тимер юллары базасында тимер юл профилендәге 13 түгәрәк эшли, аерым алганда, «Яшь тимер юлчы», аның кысаларында сәхнә осталыгы, модельләштерү һәм башка юнәлешләр буенча дәресләр үткәрелә.
Уку вакытында балалар локомотив машинисты, пассажир вагоннарын проводник, вагоннарны караучы, тимер юл станциясе буенча дежур, юл монтеры, поездлар хәрәкәте белән идарә итү системасы электромонтеры кебек һөнәрләр белән танышалар.