"Ана теле" мәктәбе татар киносы көненә чакыра

2021 елның 27 сентябре, дүшәмбе

3 октябрьдә Татарстан Милли китапханәсенең кинозалында «Ана теле» онлайн-мәктәбе каршындагы сөйләшү клубының беренче утырышы узачак.

Чара кысаларында тулы метражлы «Инсаф» нәфис фильмын күрсәтү, Казан федераль университеты укытучылары белән фикер алышу һәм эшләү булачак. Картина рус субтитрлары белән татар телендә тәкъдим ителәчәк.

Сөйләшү клубы тел практикасы мөмкинлекләрен киңәйтү һәм кулланучылар арасында мотивацияне арттыру өчен булдырылган.