ЯҢАЛЫКЛАР

Бүгеннән Татарстанда “Глаголица” II Республика балалар әдәби премиясенә конкурс старт ала. Аны ТР Мәдәният, ТР Мәгариф һәм фән министрлыклары, “Татмедиа” Республика матбугат һәм массакүләм коммуникацияләр агентлыгы ярдәме белән “Бәхетле тарихлар” балаларга ярдәм хәйрия фонды оештыра. Балаларның иҗади һәм интеллектуаль мөмкинлекләрен үстерү, аларны китап укуга тарту, укучыларда әдәби культура формалаштыруга юнәлтелгән әлеге конкурс Әдәбият елында үзгә бер яңгыраш ала. Былтыр бәйгегә республиканың 30 муниципаль берәмлегеннән 366 иҗади эш кабул ителгән, быел исә катнашучыларның тагын да күбрәк булачагына ышаныч зур. Бу хакта бүген "Татар-информ" мәгълүмат агентлыгында үткәрелгән матбугат конференциясендә “Бәхетле тарихлар” балаларга ярдәм хәйрия фонды идарәсе рәисе Ирина Хөснетдинова сөйләде.

“Иннополис” университеты программалаштыру буенча олимпиадада катнашуга теркәүне башлап җибәрде. Бәйгедә 8-11нче сыйныф укучылары катнаша ала. Университет сайтында әйтелгәнчә, олимпиада 2 этапта уздырыла. Аның беренче этабы 22 мартта үткәрелә.

17 мартта "Химград" Технополисында  "Инновацион полигон "Татарстан-киләчәк мәйданы 2014"  III Республикакүләм конкурсының  икенче сайлап алу туры үтте. Әлеге тур нәтиҗәләре буенча 30 команда арасыннан  " Иң яхшы инновацион проект", " Иң яхшы инновацион чишелеш", "Иң яхшы инновацион идея"  номинацияләре буенча 3 призлы урын җиңүчеләр сайлап алачаклар.

Иртәгәдән Татарстан укучылары арасында “IT-чемпион” III республика конкурсы старт ала. Соңгы 2 ел эчендә конкурста 363 мең бала, “Иң актив мәктәп” номинациясендә республика мәктәпләренең 94 проценты катнашкан. Әлеге саннарны бүген ТР Министрлар Кабинетында уздырылган брифингта ТР Премьер-министры урынбасары – ТР мәгълүматлаштыру һәм элемтә министры Роман Шәйхетдинов китерде. Киңәшмәдә ТР мәгариф һәм фән министрының беренче урынбасары Андрей Поминов та катнашты.

Бүген, 16 мартта Казан педагогика көллиятендә Татарстан Республикасы Премьер-министры урынбасары - мәгариф һәм фән министры Энгель Фәттахов катнашында WorldSkills Russia 2015 эшче һөнәрләр чемпионатының Татарстан Республикасындагы региональ этабының рәсми ачылу тантанасы узды.

Яр Чаллы шәһәренең Балалар һәм яшьләр иҗаты сараенда "Өстәмә белем бирү педагогы-2015" шәһәркүләм һөнәри осталык бәйгесенең финалы узды. Бәйгедә 11 белем бирү оешмасыннан өстәмә белем бирүче педагоглар, тренер-укытучылар,  балалар сәнгате мәктәпләре укытучылары катнашты. 

Татарстанда WorldSkills Russia  чемпионатына сайлап алу этаплары башланды. Иртәгә Татарстан Республикасы, Санкт-Петербург һәм Ульяновск шәһәрләреннән катнашучылар Түбән Кама шәһәренең авыл хуҗалыгы көллиятендә җыелачак.

2015 елның 4 мартында Бөек Ватан сугышында Җиңүнең 70 еллыгына багышланган "Нәрсә?Кайда?Кайчан" республика турнирының читтән торып катнаша торган этабы узды. Турнирда Татарстан Республикасы көллиятләре һәм техникумнары студентлары катнашты. Читтән торып катнашу этабы олимпиада формасында үтте. Катнашучылар иҗади сорауларга җавап бирергә тиеш иде.

Бүген, 16 март көнне Түбән Камада "Татарстан Республикасы тәрбиячесе-2015" республикакүләм конкурсының зона этабы узды. Бәйгедә Яр Чаллы шәһәре һәм  Әгерҗе, Тукай, Минзәлә, Алабуга, Менделеевск, Түбән Кама районнары вәкилләре катнашты.

25 мартка кадәр “Сәләт”нең Прага мәктәбе” республика проектында катнашуга гаризалар кабул ителә. Проект 1 апрельдән 20 майгача берничә этапта уздырыла. Аның бер этабында Чехия Республикасында укулар уздыру күздә тотыла. “Сәләт”нең Прага мәктәбе – проект идеяләре авторлары, стартап җитәкчеләре (20 яшьтән 35 яшькәчә егетләр һәм кызлар) өчен белем бирү проекты. Мәктәп программасына проектлар, проект командалары белән идарә итү, үзгәрүчән шартларда эш йөртү, иҗтимагый яктан җаваплы бизнес булдыру темалары керә. Программада проектлар белән идарә итү өлкәчендәге чит ил белгечләре белән очрашулар уздыру каралган.