Казанда EuroSkills җиңүчеләрен каршы алдылар – татарстанлылар 14 медаль һәм 2 медальон алып кайттылар
Россия җыелма командасы чемпионатта гомумкоманда зачеты нәтиҗәләре буенча беренче урынны яулады. Татарстаннан Яшь профессионаллар Россия командасы составында 14 медаль һәм һөнәри осталыклары өчен 2 медаль яуладылар.
Австриянең Грац шәһәрендә EuroSkills Graz 2021 һөнәри осталык буенча Европа чемпионаты ярышлары 22-26 сентябрьдә узды. Җиңүчеләрне Татарстаннан килгән туганнарыннан һәм дусларыннан тыш, бүген мәгариф оешмалары җитәкчеләре, көллият һәм югары уку йортлары студентлары каршы алды. Алар делегацияне транспарантлар һәм флаглар белән сәламләделәр. Конкурсантларны котларга ТР Мәгариф һәм фән министры Илсур Һадиуллин да килгән иде.
Мәгариф һәм фән министрлыгы башлыгы республиканы милли җыелма команда составында 17 катнашучы тәкъдим итте, алар 16 компетенция буенча ярыштылар, дип сөйләде.