Казанның 175-нче номерлы мәктәбе укучылары һәм ата-аналарына ярдәм иткән 86 психолог тернәкләнү узды
Казанның 175-нче номерлы гимназиясенә һөҗүм вакытында зыян күрүчеләргә психологик ярдәм күрсәткән психологлар һәм психотерапевтлар махсус тренинг уздылар. Бу хакта «Татар-информ» мәгълүмат агентлыгында узган матбугат конференциясендә КДМА психотерапия һәм наркология кафедрасы мөдире-профессор һәм ТР атказанган табибы Анатолий Карпов сөйләде.
"Чыннан да, психологларга бик зур травма алган кешеләр белән эшләргә туры килде, аларга авыр булды. Кешеләр бу вакыйга белән бик тетрәнде. Психологларның да эше бик катлаулы, энергия сыйдырышлы, барлык хис-тойгыларны, бөтен көчне ярдәмгә юнәлдерергә кирәк иде. Психологлар үзләре яна, арый һәм талый. Аларга да ярдәм кирәк», - дип аңлатты белгеч.
«Татар-информ» мәгълүмат агентлыгы хәбәрчесе Анатолий Карпов тренингның 86 белгеч узуын билгеләп үтте. Ә программаны аңа махсус әзерләгәннәр.
"Яшьләр министрлыгы инициативасы буенча без мондый хәлләрдә ярдәм итүче кешеләрне адаптацияләү буенча укыту-дәвалау дәресләре циклын уздырдык, алар да ярдәмгә мохтаҗ", — дип тәмамлады профессор.