Татарстан укучылары информатика буенча халыкара турнирда җиңүчеләр булды

2021 елның 1 декабре, чәршәмбе

24-29 ноябрь көннәрендә онлайн-форматта Болгария Республикасының Шумен шәһәрендә информатика буенча XIII халыкара көзге турнир узды. 

Турнирда 16 илдән 380 укучы катнашты - Болгария, Россия, Испания, Кипр, Израиль, Румыния, Әрмәнстан, Әзәрбәйҗан һәм башкалар. 

Турнирда Татарстан данын Россия җыелма командасы, Татарстан Республикасы җыелма командасы, ISIJ җыелма командасы составында 36 укучы яклады. Балалар Казанның, Яр Чаллының, Иннополисның 7 мәктәбеннән иде.

Турнир йомгаклары буенча Татарстан укучылары 3 алтын, 6 көмеш, 6 бронза медаль яуладылар.