КФУның Филология һәм мәдәниятара коммуникацияләр институтына 630 бюджет урыны бүлеп бирелгән
Казан федераль университетының Филология һәм мәдәниятара коммуникацияләр институты 630 бюджет урыны алган. Бу хакта институт җитәкчесе Рәдиф Җамалетдинов «Татар-информ»да узган матбугат конференциясендә хәбәр итте.
«Институт быел 465 бюджет урынына кабул итәчәк, бу узган ел белән чагыштырганда бишкә күбрәк. Алар федераль бюджет тарафыннан бүлеп бирелде. Бюджеттан тыш укуга якынча шуның кадәр ук кабул итәргә планлаштырабыз. Бакалавриат программасына 310 бюджет урыны бүлеп бирелде, магистратура — 90. Көндезге-читтән торып уку формасына 65 бюджет урыны бүлеп бирелде», - дип белдерде спикер.
Җамалетдинов институтның шулай ук республика заказы буенча программаларны тормышка ашыруын билгеләп үтте. Ул төгәлләштергәнчә, бу-педагогик белем бирү өлкәсендә биш һәм PR буенча бер программа. «Безгә педагогик кадрлар әзерләү өчен 150 урын һәм PR һәм җәмәгатьчелек белән элемтә өлкәсендә белгечләр әзерләү өчен 15 урын бүлеп бирелде. Шулай итеп, федераль һәм республика бюджетларыннан финансланачак 630 урын барлыкка киләчәк», - дип билгеләп үтте институт җитәкчесе.
Аның сүзләренә караганда, төбәк бюджетыннан финанслана торган программалар булачак укытучыларны билингваль һәм полилингваль белем бирү оешмаларында эшләү өчен әзерләүгә юнәлдерелгән. Студентларга 15 мең сум күләмендә стипендия каралган.
Җамалетдинов быел Филология һәм мәдәниятара коммуникацияләр институтында барлыгы 35 программа буенча, шул исәптән 13-магистратура һәм 22-бакалавриат программасы буенча белем алу каралган, дип сөйләде.