Әлмәттә «Адымнар» яңа полилингваль гимназиясендә «Триатлон мәктәбе» ачылачак
Татарстанда 1 сентябрьдә 1224 укучыга исәпләнгән яңа «Адымнар — Әлмәт» полилингваль гимназиясе эшли башлаячак. Белем бирү оешмасында 1-8 нче сыйныф укучылары өчен «Триатлон мәктәбе» ачу планлаштырыла.
«Тренировкалар үткәрү өчен спорт залы барлык кирәкле инвентарь — йөгерү юллары, велотренажерлар белән җиһазландырылган, 25 метрлы бассейн бар»,-дип хәбәр иттеләр ведомствоның матбугат хезмәтендә.
Спорт блогында зур спорт залы, кече спорт залы һәм ике касәле бассейн булачак. Моннан тыш, гимназия бинасында уку һәм административ блоклар, медицина бүлмәләре, 424 урынга исәпләнгән ашханә, 560 урынга исәпләнгән актлар залы, китапханә каралган.
Гимназиянең 8нче һәм 22нче полилингваль балалар бакчалары белән багланышлары каралган. Аерым алганда, «Адымнар-Әлмәт» укытучылары дәресләрендә булу, балалар һәм ата-аналар өчен мәктәп буенча экскурсияләр үткәрү, шулай ук мәктәпкә әзерлек курслары, Олимпиада һәм конференция үткәрү планлаштырылган.
Киләчәктә үз һөнәрләрен шәһәр предприятиеләре белән бәйләргә теләгән балалар өчен, мәсәлән, «Татнефть» ГАҖ белән, лингвистик һәм техник тел ликасына басым ясап, телдә сөйләшүчеләр белән интенсивлар, техник иҗат конкурслары уздыру да планлаштырыла.