Татарстанда «Сәйяр» республика балалар яшүсмерләр театрлары фестиваленең зона этабы уза

2022 елның 23 ноябре, чәршәмбе

21-25 ноябрьдә Татарстан дәүләт театрлары базасында «Сәйяр»республика балалар яшүсмерләр театрлары фестиваленең зона этабы уза. Бәйге ТР Мәгариф һәм фән министрлыгы тарафыннан балаларда татар халкының рухи мирасына сакчыл мөнәсәбәт формалаштыру максатыннан, «2014-2022 елларга Татарстан Республикасы дәүләт телләрен һәм Татарстан Республикасында башка телләрне саклау, өйрәнү һәм үстерү»дәүләт программасын тормышка ашыру кысаларында үткәрелә.

Балалар коллективының( алар 100)  чыгышларын К. Тинчурина исемендәге татар дәүләт драма һәм комедия театры актерлары бәяли. Фестиваль җиңүчеләрен һәм призерларын бүләкләү тантанасы 5 нче декабрьдә К. Тинчурин исемендәге татар дәүләт драма һәм комедия театрында узачак.