Татарстанда быел 248 авыл мәктәбендә җылы бәдрәфләр пәйда булачак

Татарстанда быел 248 авыл мәктәбендә җылы бәдрәфләр пәйда булачак. Бу максатларга республикага федераль бюджеттан субсидия билгеләнгән. Бу хакта ТР Хөкүмәт йортында ТР Президенты Рөстәм Миңнеханов һәм ТР Премьер-министрының беренче урынбасары Равил Моратов катнашында узган республикакүләм киңәшмәдә ТР мәгариф һәм фән министры Энгель Фәттахов белдерде.
Аның сүзләренә караганда, бүгенге көндә республиканың 780 мәктәбендә җылы бәдрәф юк. ТР Мәгариф һәм фән министрлыгы мәктәпләрне капиталь ремонтлау программасында катнашу өчен республиканың 248 авыл мәгариф учреждениесе исемлеген төзегән, аларда укучылар саны 50 дән артык тәшкил итә.
Азнакай, Аксубай, Актаныш, Балтач, Зәй, Югары Ослан, Лениногорски, Түбән Кама, Яңа Чишмә, Тукай, Теләче һәм Чистай районнарында җылы бәдрәфләр төзелешенә керешкәннәр.
Рөстәм Миңнеханов бу эшне сыйфатлы башкаруны сорады.