Россия педуниверситетлары Үзбәкстан югары уку йортлары белән хезмәттәшлекне үстерә
Россия Мәгариф министрлыгы карамагындагы педагогик университетлар Үзбәкстан вузлары белән хезмәттәшлекне көчәйтәләр. Бу уку елында Россия педуниверситетларында 1,5 меңгә якын, ә көллиятләрдә Үзбәкстанның 3 меңгә якын гражданины укый. Бу хакта Россия Федерациясе Мәгариф министры урынбасары Денис Грибов Үзбәкстан Республикасында Россия югары уку йортлары филиаллары җитәкчеләренең эшлекле киңәшмәсендә сөйләде, ул Ташкент шәһәрендә МГМИО филиалында узды.
Россия Мәгариф министры урынбасары Денис Грибов, соңгы елларда Россиянең педагогик вузларының үзбәк югары уку йортлары белән үзара хезмәттәшлеге ныгый баруын һәм ул мәгариф өлкәсендә ике ил хезмәттәшлегенең төп юнәлешләрен атады.
Шулай ук Россия Мәгариф министры урынбасары Үзбәкстан Республикасында Россия югары уку йортлары филиалларының эшен камилләштерү мәсьәләләренә багышланган түгәрәк өстәл эшендә катнашты.
Денис Грибов Үзбәкстанда Россия югары уку йортлары филиалларын үстерү һәм шулай ук Россия көллиятләре филиалларын ачу буенча тәкъдимнәр кертте.