Кукмара аграр көллиятендә Ачык ишекләр көне кунакларын тәм-томнар һәм кайнар чәй белән каршы алдылар

2023 елның 27 апреле, пәнҗешәмбе

22 апрель көнне “Профессионалитет” федераль проекты кысаларында Кукмара аграр көллиятендә бердәм Ачык ишекләр көне узды. 

Акцияне оештыручылар - Татарстан Республикасы Мәгариф һәм фән министрлыгы һәм Кукмара аграр көллияте - Татарстан Республикасының «Авыл хуҗалыгы» кластерының төп мәйданчыгы. Чарада Олы Сәрдек, Сәрдекбаш һ.б.  мәктзпләрнең 9 нчы сыйныф укучылары, аларның әти-әниләре һәм сыйныф җитәкчеләре катнашты.

Кунаклар өчен көллият , уку кабинетлары һәм белгечлекләр буенча остаханәләр буенча экскурсия үткәрелде.

Ә очрашу көллият ашханәсендә тәмамланды, анда кунакларны кайнар чәй һәм булачак пешекче-кондитерлар пешергән тәмле камыр ризыклары көтә иде.