Татарстанда югары балл белән беренче курска керүчеләргә 300 мең сумга кадәр акча түләнәчәк

2023 елның 21 июле, җомга

Казан федераль университеты, гадәттәгечә, талантлы яшьләрне үз студентлары сафына җәлеп итүгә йөз тота. Быел КФУ ректоры Ленар Сафин карары буенча БДИда 100, 200 һәм 300 балл җыйган беренче курс укучыларына  бер тапкыр акча түләнәчәк. Матди ярдәмнән тыш, укучыларга Универсиада авылында, Россиянең иң яхшы студентлар кампусларының берсендә яшәү урыннары гарантияләнә.

19 июльгә Казан университетының кабул итү комиссиясенә  йөз балл белән 323,  ике йөз балл белән 18 һәм  өч йөз балл белән бер  гариза биргәннәр.