Рөстәм Миңнеханов укытучыларны һөнәри әзерләүгә игътибар итәргә кушты

2023 елның 17 августы, пәнҗешәмбе

Бу хакта республика җитәкчесе Казанда мәгариф һәм фән хезмәткәрләренең август киңәшмәсендә белдерде.

«Укытучының дәрәҗәсе, абруе - бу бик мөһим. Югары уку йортлары укытучылары турында да  онытырга ярамый. Бу мәсьәләләрне карау өчен ректорларны җәлеп итегез», - диде Рөстәм Миңнеханов.

Ул билгеләп үткәнчә, узган уку елында педагоглар, мәгариф оешмалары җитәкчеләре, район башлыклары мәгариф өлкәсендә зур эш башкарганнар. Утырыш азагында ул  иң яхшы педагогик хезмәткәрләргә бүләкләр тапшырды.