Татарстан «Глаголица» әдәби премиясендә Африкадан килгән катнашучыны кабул итәчәк

2023 елның 19 августы, шимбә

«Глаголица» Халыкара әдәби премиясе инде 10 ел Татарстан Республикасында «Бәхетле тарихлар» хәйрия фонды тарафыннан үткәрелә. Премия финалистлары Татарстан башкаласына чакырылачак, анда аларны республика мәдәнияте һәм традицияләре белән таныштырачаклар. Финал тантанасының алып баручысы театр һәм кино актрисасы Нонна Гришаева булачак.

«Глаголица» премиясе татар һәм рус телләрен,  мәдәниятен саклап калуга һәм таратуга, язучыларның яңа буынын формалаштыруга һәм аларның талантларын ачуга юнәлтелгән. 10 ел эчендә "Глаголица"да бөтен дөньядан 8,5 меңнән артык бала катнашкан. Ике телле балалар әдәби конкурсы яшь авторларны бөтен дөньядан 10 яшьтән 17 яшькә кадәр җыячак. Мәсәлән, быел Африкадан да  катнашучы көтелә.