Укытучылар кытлыгы һәм дәреслекләрдәге махсус хәрби операция: яңа уку елында Татарстан мәктәпләрен нәрсә көтә
Уку елы башына Татарстан мәктәпләре яңа дәреслекләр алачак һәм хезмәт тәрбиясе кертәчәк. Укытучылар җитмәү проблемасын хәл итү өчен вуз студентларын җәлеп итәчәкләр. Республикадагы мәгариф өлкәсендәге яңалыклар һәм проблемалар ел саен уздырыла торган август киңәшмәсендә тикшерелде.
«Укытучының дәрәҗәсе, абруе - бу бик мөһим. Югары уку йортлары укытучылары турында онытырга ярамый. Бу мәсьәләләрне карау өчен ректорларны җәлеп итегез», - диде Татарстан Республикасы Рәисе Р. Миңнеханов мәктәпләрдә укытучыларга кытлык турында мәгълүматка.
Уку елы башына мәктәпләрдә 2 меңгә якын укытучы җитми дип хәбәр итте Татарстан Мәгариф һәм фән министрлыгы башлыгы Илсур Һадиуллин. Аның сүзләренчә, иң күп вакансияләр математика, физика, рус һәм чит телләр һәм башлангыч сыйныфлар буенча".
Яңа уку елында укучыларны тәрбияләүгә, шул исәптән хезмәт тәрбиясенә аерым игътибар биреләчәк. «Мәгариф турында» Федераль законга хезмәт бурычларында мәктәп укучыларының мәҗбүри катнашуына кагылышлы үзгәрешләр кертелде инде. Укучылар мәктәп яны территориясенә агач һәм чәчәкләр утыртачак, мәктәп мәйданчыкларын яки классларын бизәү белән шөгыльләнәчәк, театр костюмнары булдыру, музейларга яки китапханәләргә ярдәм итү күздә тотыла.
Ул , шул ук вакытта, киңәшмәнең төп темасы Россия Мәгариф министрлыгы карарын өстенлекле юнәлеш дип атады - илнең барлык төбәкләрендә бердәм мәгариф киңлеге булдыру. Моның өчен федераль дәүләт белем бирү стандартлары (ФГОС) яңартылды, бердәм гомуми белем бирү программасы, шулай ук дәреслекләр эшләнде, дип хәбәр итте.
Һадиуллин сүзләренә караганда, тагын бер мөһим мәсьәлә - уку алдынгылары белән бәйле. Беренчел мәгълүматлар буенча, Татарстанда БДИ дан ике йөз балл җыйган 7 укучының җидесе алга таба укуларын Мәскәү һәм Санкт-Петербург югары уку йортларында дәвам итәргә планлаштыра.