Татарстан педагоглары Бөтенроссия туристик слётыннан бүләкләр алып кайтты
14 августтан 20 августка кадәр Дагыстан Республикасының «Огонек» лагеренда XXX Бөтенроссия педагоглар слёты узды. Анда Татарстан Республикасы җыелма командасы да катнашты.
Татарстан җыелма командасын 3 өстәмә белем бирү оешмасыннан 5 команда тәкъдим итте. Казан шәһәренең Мәскәү районы Балалар һәм яшүсмерләр туризмы һәм экскурсияләре йорты командасы спорт ориентлашуы буенча 1 урынны, шулай ук ир-атлар арасында шәхси зачетта спорт ориентлашу буенча Илдар Сабиров һәм Сергей Иванов беренче урынны яуладылар.
Казан шәһәренең Яңа Савин районы «Простор» балалар һәм яшүсмерләр туризмы йорты педагоглары командасы 2 нче урынны яулады. «Җәяүлеләр туризмы техникасы» номинациясендә шәхси дистанциядә уку йорты педагогы Константин Уманцевка 3 урын бирелде.
Балалар һәм яшүсмерләр туризмы Станциясе педагоглары һәм Бөгелмә районы экскурсияләре командасы спорт ориентлашуы буенча 2 нче урынны алды. Ә шәхси зачетта шул ук номинациядә ир-атлар арасында Ильяс Шәйгарданов 2 нче урынны алды.