Түбән Каманың 160 укытучысы СИБУР ярдәмендә оештырылган зур белем бирү интенсивында булды
Чарада катнашучыларның күбесе, аннан алган тәэсирләре турында сөйләгәндә, әлеге очрашуның нәкъ менә яңа методикаларны гамәли яктан эшләү күзлегеннән караганда файдалы булуын ассызыкладылар. Түбән Кама укытучылары өчен зур һәм озак көтелгән вакыйга- "Перспектива" АДПО педагогика һәм укыту методикалары кафедрасы мөдире Наталья Дерябинаның килүе булды, нәкъ менә алар узган ел оештыручылардан аның чыгышларын һәм мастер-классларын интенсивлар программасына өстәргә сораганнар иде.
Мастер-класслар һәм лекцияләрдән тыш, интенсивларда катнашучылар уникаль стенд сессиясендә булдылар, анда хәзерге заман белем бирү практикаларында кулланыла торган материаллар һәм әсбаплар тәкъдим ителде. Алар арасында математик лабиринт, мавыктыргыч фән музее, гөмбәз конструкциясе һәм башка актуаль эшләнмәләр бар иде.