Татарстан Республикасы Мәгариф һәм фән министрлыгы башлыгы Чаллыны күп балаларның гаиләдә укытуда булганы өчен тәнкыйтьләде

2023 елның 28 августы, дүшәмбе

"Иң куркынычы - ул башлангыч мәктәп. Баланы мәктәптән аералар, үзләрендә ябалар, репетитор чакыралар. 2022 елда  417 бала гаиләдә белем алган, ә быел - 546. Бу гафу ителмәслек! "- диде ТР Мәгариф һәм фән министрлыгы башлыгы Чаллыдагы август педагогик киңәшмәсендә чыгыш ясаганда.

Һадиуллин әйтүенчә,  гаиләдә укучылар имтиханнарны башка балалардан начаррак тапшыралар. Министр быел имтиханнан шундый  бер баланың  чыгарылуын искәртте (бу хакта ул элегрәк тә әйткән иде).