Буада татар сыйныфлары һәм балалар бакчаларында татар төркемнәре ачылачак

2023 елның 28 августы, дүшәмбе

Бу хакта педагогия хезмәткәрләренең традицион район август киңәшмәсендә район башлыгы Ранис Камартдинов белдерде.

Яңа уку елында район үзәгендәге мәктәпләрнең 1 сыйныфларында татар сыйныфлары, ә шәһәрнең балалар бакчаларында татар телендә белем һәм тәрбия бирүче төркемнәр ачылачак.  Шулай итеп, мәктәпләрнең милли челтәре саклана.  Ата-аналар белән тыгыз элемтәдә эшләргә кирәк», - диде Ранис Камартдинов.

Быел Буа районында беренче сыйныфка  410 бала бара, шуларның 308 е – Буаның үзендә. Балаларга “Мәктәпкә җыенырга ярдәм ит” республика акциясе кысаларында канцелярия кирәк-яраклары салынган рюкзаклар тапшырдылар.