Белем көнендә мәктәпләргә килүгә чикләүләр юк
Бу көннәрдә ТР Мәгариф һәм фән министрлыгына ата-аналардан күпсанлы мөрәҗәгатьләр килде. Шул уңайдан, Белем көнендә беренче сыйныф укучыларының ата-аналарының мәктәпкә килүләренә бернинди чикләүләр дә юклыгын хәбәр итәбез. Шул ук вакытта олыларның түбәндәгеләргә игътибарлы булуы сорала.
1 сентябрь - беренче сыйныф укучылары һәм аларның әти-әниләре, мәктәпне тәмамлаучылар өчен зур бәйрәм, анда чакырылган кунаклар гына түгел , бер-берсе белән таныш булмаган кешеләр җыела.Болар барысы да мәктәп җитәкчелегенең бәйрәмне оештыруга зур игътибарын таләп итә, куркынычсызлык техникасы һәм террорчылыкка каршы режим кагыйдәләрен үтәүне таләп итә.
Ата-аналарга мәктәптә үз-үзеңне тоту кагыйдәләре белән танышырга, штаттан тыш хәлләргә юл куймау һәм бәйрәм атмосферасын булдыруга ярдәм итү һәм һәркем өчен беренче кыңгырау бәйрәменең матур хәтирәләрен булдыру максатыннан гомуммәктәп чараларына барырга кирәк.