Медицина сыйныфлары булган Казан өч мәктәбе Россиянең 25 иң яхшы мәктәпләре исемлегенә керде

2023 елның 30 августы, чәршәмбе

Рейтингта алтынчы урында - Советлар Союзы Герое А.С. Умеркин исемендәге 116 нчы лицей. 19 нчы урында 179 нчы гимназия, 25 нче урында Казанның 139 нчы гимназиясе, дип хәбәр иттеләр Казан дәүләт медицина университеты матбугат хезмәтендә.

RAEX рейтингына Россиянең медицина профильле 50 гомуми белем бирү учреждениесе керде. RAEX   мондый тикшерүне тугызынчы тапкыр үткәрә. Мәктәпләрнең позицияләрен билгеләү өчен, укучыларының   гомуми конкурс нигезендә бюджетка, максатчан кабул итү нәтиҗәләре, түләүле нигездә һәм олимпиадада  җиңү нәтиҗәләре буенча укырга керү турындагы мәгълүматлар исәпкә алынган.