Россиядәге заманча мәктәпләрнең берсен Чаллыда ачтылар
Яр Чаллының 34 комплексында 1,5 мең урынлык яңа мәктәп - 16нчы мәгариф үзәге ачылды. "Бүген укырга - иртәгә җиңәргә", - яңа мәктәпнең девизы шундый. Тантаналы линейка премьер-министр Алексей Валерьевич Песошин, шәһәр мэры Наил Мәһдиев һәм Дәүләт Думасы депутаты Әлфия Когогина катнашында узды. Мәктәптә патриотик тәрбиягә басым ясалган. Логотибы- йолдыз.
Бинада Face ID системасы урнаштырылган. Яңа буын камерлары мәктәп укучыларының куркынычсызлыгын тәэмин итәчәк һәм алар мәктәпкә килгәч тә һәм мәктәптән тыш та күзәтәчәк. Моннан тыш, бу системаны укытучыларның эш вакытын күзәтү һәм ата-аналарга аларның балаларының мәгариф учреждениеләреннән килүе һәм китүе турында хәбәр итү өчен кулланырга мөмкин булачак. Чаллыда быел мондый система 2 яңа мәктәптә урнаштырылган. Шулай ук әлеге система аша өстәмә туклану өчен түләргә мөмкин булачак.