«Абилимпикс» илкүләм чемпионатында катнашучылар 49 төп компетенция буенча ярышачак

2023 елның 5 сентябре, сишәмбе

Мәскәүдә сәламәтлек буенча  мөмкинлекләре чикләнгән затлар арасында һөнәри осталык буенча «Абилимпикс» илкүләм  чемпионаты узачак. Ул 20-23 октябрь көннәрендә 49 төп компетенция буенча үтәчәк. Бу хакта Россия Федерациясе Хөкүмәте Рәисе урынбасары Татьяна Голикова «Абилимпикс» чемпионатын уздыру буенча оештыру комитеты утырышында сөйләде.

Россия вице-премьеры хәбәр иткәнчә, 2023 елның мартыннан июнь аена кадәр 84 төбәктә "Абилимпикс" төбәк чемпионатлары уздырылган. Сентябрьдә Мәскәүдә региональ чемпионатның финалы узачак, ә октябрьдә Мәскәү Хөкүмәте ярдәмендә яңа субъектлар өчен Мәскәү көллиятләре территориясендә Донецк һәм Луганск халык республикаларыннан, Херсон һәм Запорожье өлкәләреннән 16 катнашучы өчен ярышлар оештырылачак.