Иртәгә БДИ тапшыруның өстәмә чоры башлана
Имтиханнар үткәрү пункты Казанның Мәскәү районындагы (Декабристлар ур., 156А йорты) аерым фәннәрне тирәнтен өйрәтүче 120 нче урта гомумбелем бирү мәктәбе базасында оештырылган. Имтиханнар 10.00 сәгатьтә башлана.
2023 елның 6 сентябрендә рус теле буенча бердәм дәүләт имтиханы уздырыла. Рус теленнән БДИга 7 чыгарылыш сыйныф укучысы кертелә. Имтихан 3 сәгать 30 минут дәвам итәчәк. Нәтиҗәләр 2023 елның 20 сентябренә кадәр игълан ителәчәк.
2023 елның 12 сентябрендә төп дәрәҗәдәге математика буенча бердәм дәүләт имтиханы уздырыла. Төп дәрәҗәдәге математика буенча БДИга 87 чыгарылыш сыйныф укучысы кертеләчәк. Имтиханның озынлыгы 3 сәгать. Нәтиҗәләр 2023 елның 27 сентябренә кадәр игълан ителәчәк.
Быелгы чыгарылыш сыйныф укучылары БДИ нәтиҗәләрен үз мәктәпләрендә дә, дәүләт хезмәтләре порталында шәхси кабинетта да, Рособрнадзорның «ГИА» бүлегендә рәсми сайтында да https://checkege.rustest.ru/. белә алалар.