Шәһәр Советы депутатлары "Школьное питание"дә булдылар
"Мәктәп туклануы" Чаллы комбинаты шәһәрнең белем бирү учреждениеләрен - мәктәпләрне һәм балалар бакчаларын ризык белән тәэмин итә, алар бары тик табигый продуктлар гына кулланалар. Комбинат шәһәрдән тыш, Зәй районы балаларын да ашата - барлыгы 110 меңнән артык бала. Бүген шәһәр Советы депутатлары һәм "Мәрхәмәт-шәфкатьлелек" хатын-кызлар берләшмәсе предприятиенең эше белән танышты. Барлык ашамлыклар да технологик карталарга нигезләнеп әзерләнә. Суыткычта махсус билгеләнгән урында һәр азык-төлек продукциясе буенча маркировкаланган савытларда тәүлеклек пробалар саклана.
Мәктәпләрдә туклану буенча мәгълүмат стендларында: балаларның барлык яшь төркемнәре өчен көндәлек меню, унике көнлек меню, ата-аналар җәмәгатьчелегенең туклану оешмасын контрольдә тоту графигы, сәламәт туклануны оештыру буенча тәкъдимнәр язылган .