Казанның 19 нчы гимназиясендә янкорма декабрьгә әзер булачак

2023 елның 20 сентябре, чәршәмбе

Казандагы 19 нчы гимназиягә  янкорма 1 декабрьгә  төзелеп бетәчәк. Нәтиҗәдә, яңа корпуста тагын 300 укучы белем алачак.

Яңа 2 катлы корпуста спорт һәм актлар залы, шулай ук ресторан комплексы һәм 12 уку кабинеты җиһазландырылачак. Ремонт эшләре 48 %ка төгәлләнгән инде.

19 нчы гимназия директоры Андрей Талманов хәбәр иткәнчә, җәй көне капремонтны бөтен учреждениедә уздырганнар - актлар һәм спорт залларында, 2 уку кабинетында башкарылган, санузеллар, хуҗалык блогы ремонтланган, түбәсен алыштырганнар, фасадны, инженерлык челтәрләрен яңартканнар.