Ике йөзләп Чаллы укучысы яшь педагоглар сафына керде

2023 елның 19 октябре, пәнҗешәмбе

НГПУның универсаль педагогик компетенцияләр Технопаркы базасында укучыларны яшь педагогларга багышлау тантанасы узды. Яңа уку елында психолог-педагогик сыйныф укучылары сафына ике йөзгә якын Чаллы  укучысы керде.

Укучыларны истәлекле вакыйга белән хөрмәтле кунаклар: Чаллы шәһәре мэры Наил Мәһдиев, ТР Мәгариф һәм фән министрлыгының өстәмә һөнәри белем бирүне үстерү бүлеге башлыгы Роза Шәяхмәтова котлады. НГПУ ректоры  Әлфинур Галиәкберова яшь педагогларга символик укучы билеты тапшырды.