РФ хөкүмәте мәгарифне цифрлы трансформацияләү өлкәсендә стратегик юнәлешне актуальләштерде
Россия Федерациясе Хөкүмәте Россия Мәгариф министрлыгы эшчәнлегенә кагылышлы мәгарифне цифрлы трансформацияләү өлкәсендә стратегик юнәлешне актуальләштерде. Аны гамәлгә ашыру кысаларында мәктәпләргә һәм көллиятләргә, шулай ук балалар бакчаларына һәм өстәмә белем бирү учреждениеләренә керү мөмкинлеген ача торган сервислар булдырылачак. Мондый сервислар баланы укыту һәм үстерү траекторияләрен планлаштырырга ярдәм итәчәк.
Балалар бакчалары укытучылары һәм тәрбиячеләре эш программасы нигезендә контент сайлап ала, ата-аналар белән оператив запрослар һәм мәгълүмат алыша алачак.
Өстәмә белем бирү педагоглары яңа сервислар ярдәмендә түгәрәкләрдә һәм секцияләрдә дәресләр үткәрүнең форматларын төрләндерә алачак. Стратегик юнәлешнең төп бурычы - белем бирүнең традицион рәвешләрен көчәйтү, верификацияләнгән электрон белем бирү контентына һәм мәгариф процессында катнашучыларның барлык категорияләре өчен, шул исәптән үтеп керү авыр булган һәм ерак җирлекләрдә яшәүче инвалид балалар һәм балалар өчен, белем бирү сервисларына тигез керү мөмкинлеген исәпкә алып, сыйфатлы, куркынычсыз белем бирү пространствосын булдыру.