Казан мәктәпләрендә икенчел чимал җыю буенча конкурс үткәрәчәкләр
Казан мәктәпләрендә «Сортируй с УК «ПЖКХ» конкурсы узачак. Ул тематик дәресләр уздыруны, икенчел чимал җыюны, башкарылган эш турында презентацияләр һәм видеороликлар әзерләүне үз эченә алачак. Конкурста катнашучылар грамоталар һәм истәлекле бүләкләр алачак. Иң яхшы коллективлар кыйммәтле призлар белән бүләкләнәчәк.
Төп этап кысаларында икенчел чимал җыю, укучылар аларны сары контейнер-сеткаларга тапшырачак. Сортларга аерылырга тиешле чүп-чар турындагы мәгълүматны белешмәдә белергә мөмкин булачак. Икенчел чимал җыюга мәктәп укучыларының ата-аналары да катнаша ала. Региональ оператор хезмәткәрләре чүп-чар контейнерларының тутырылуын һәм аларны аерым җыю сыйфатын күзәтеп торачак.
Икенчел чималны аерым җыю турында тематик дәресләр һәм иҗади видеороликлар шулай ук конкурсның аерылгысыз өлеше булачак. Аларны жюри бәялиячәк.
Ярышның җиңүчеләрен өч категориядә сайлаячаклар: 500 гә кадәр укучысы булган мәктәпләр, укучылар саны – меңгә кадәр һәм меңнән артык бала булган мәктәпләр. Конкурс турында нечкәлекләрне сайтта белергә мөмкин булачак, дип хәбәр итә "ПЖКХ" ИК.