Россия хөкүмәте «Профессионаллар» һәм югары технологияләр чемпионаты җиңүчеләре һәм призерлары өчен премияләр билгеләде
Әлеге ярышларда беренче урыннарны алган конкурсантлар өчен премия 300 мең сум тәшкил итәчәк. Икенче урыннарга лаек булучылар 200 мең сум алачак. Өченче урын өчен 100 мең сум каралган.
Премияләр өчен физик затлардан салым алынмый (НДФЛ, 13%).
"Профессионаллар" чемпионаты финалы Санкт-Петербургта ноябрьдә узачак. Анда 14 яшьтән һәм зуррак мәктәп укучылары, көллият студентлары, шулай ук сәнәгатьнең төрле өлкәләрендә предприятиеләрнең яшь белгечләре катнашачак. Катнашучылар ике категориягә бүленә - төп һәм юниорлар. Төп категориядә конкурслар 35 эшче белгечлеге буенча узачак. Алар арасында - кузов ремонты, сәнәгать механикасы һәм монтаж, эретеп ябыштыру технологияләре, мобиль робототехника. Конкурс программасында юниорлар категориясе кысаларында 20 белгечлек .