Татарстанның "яшь десантчылары" "ВДВ батырлыгы сукмагын" үтте
Көзге каникулларда Советлар Союзы Герое Борис Кузнецов исемендәге Казан кадет интернат-мәктәбе каршында оештырылган ВДВ сержанты Павел Клетнев исемендәге «Яшь десантник» хәрби-патриотик клубында тәрбияләнүчеләр тельняшка, зәңгәр һәм зәйтүн төсендәге беретларны йөртү хокукы өчен «ВДВ батырлыгы сукмагын» уздылар.
Чара Казан кадет интернат-мәктәбен тәмамлаучылар Евгений Волков һәм Айвар Миншагаев , шулай ук Россия Федерациясе Герое Иван Жарской истәлегенә багышланган иде.
" 7 чакрымлы дистанция Мирный поселогының 116 Полигонында да узды һәм төрле катлаулылыкның берничә этабыннан торды, шул исәптән анда автоматлы марш-бросок һәм сазлыклы урманнар, чокырлар һәм юлсызлык каршылыкларын җиңү, җирдән пластунча үтү һ.б. оештырылды. Имтиханны "БАРСЫ" махсус отряд хезмәткәрләре, спецназ хәрби хезмәткәрләре, хәрби хәрәкәтләр һәм ВДВ ветераннары кабул итте, - дип сөйләде "Татар-информ" журналистына "Яшь десантник" клубы җитәкчесе Тәлгать Камалиев.
Ул билгеләп үткәнчә, катлаулы һава шартларына һәм авыр сынауларга карамастан, клубта тәрбияләнүчеләр сукмакның барлык этапларын лаеклы үтте.