Татарстанлыларны географик диктантта катнашырга чакыралар
19 ноябрьдә Рус географик җәмгыятенең халыкара агарту акциясе - Географик диктант старт ала. Бу көнне җирле вакыт буенча12:00 сәгатьтә барлык континентларда да катнашучылар үз белемнәрен тикшерәчәк, шул исәптән Антарктиданы да кертеп, ул көндез һәм дистанцион форматта үтә. Акция 14 сәгатьтә интернетта dictant.rgo.ru сайтында онлайн-форматта старт ала һәм 2023 елның 1 декабрендә тәмамланачак.
РГО халыкара агарту акциясе тугызынчы тапкыр уздырыла. Географик диктант географик белемнәрне популярлаштыру һәм өйрәнелүгә кызыксынуны арттыру максатында уздырыла.
Географик диктантта катнашу ирекле һәм түләүсез .Һәр катнашучыга индивидуаль идентификацион номер һәм QR-код белән диктант язу өчен бланк бирелә.
Географик диктант варианты катлаулылык дәрәҗәсе буенча бер-берсеннән аерылган 40 сораудан тора. Төп дәрәҗәдәге беренче өлеше (10 сорау) географиядән гомумтанылган фактлар нигезендә төзелгән. Икенче өлеше (30 сорау) образлы фикерләү, системалы логика һәм эрудиция куллануны таләп итәчәк. Диктант биремнәрен үтәү вакыты - 45 минут.
Мәйданчыкларда шәхсән катнашу мөмкинлеге булмаган затлар диктантны онлайн режимында яза ала.