Сергей Кравцов "Россия" күргәзмәсендә опека органнары җитәкчеләренең киңәшмәсен ачты
«Россия» Халыкара күргәзмә-форумы кысаларында ВДНХда 57 нче павильонның балачак үзәгендә балигъ булмаган гражданнарга карата опека һәм попечительлек органнары җитәкчеләренең Бөтенроссия киңәшмәсе башланды. Чарада Россия Федерациясенең барлык субъектларыннан 200 белгеч катнаша. Киңәшмәдә РФ Мәгариф министры Сергей Кравцов катнашты.
Киңәшмә эшен ачып, Россия Мәгариф министрлыгы башлыгы опека һәм попечительлек органнары хезмәткәрләренә рәхмәт белдерде һәм тәрбиягә алынган балалар белән тәрбия эшенең әһәмиятен билгеләп үтте.
Мәгариф министры хәбәр иткәнчә, ятим һәм ата-ана тәрбиясеннән мәхрүм калган балаларга ярдәм итүгә аерым игътибар бирелә. Россия Мәгариф министрлыгы Хезмәт һәм социаль яклау министрлыгы, Сәламәтлек саклау министрлыгы белән берлектә ятим балалар белән эшләүгә җәлеп ителгән белгечләргә кирәкле бөтен ярдәмне күрсәтә. Соңгы биш елда ятим балалар оешмаларында балалар саны 42 меңнән 36 меңгә кадәр кимегән.