15 төбәктән килгән архитектор һәм дизайнерлар Татарстан мәктәпләрендә булдылар
Казанга "Хыял мәктәбе" проектында катнашучылар, архитектура һәм дизайн буенча югары курс студентлары килде . Яшьләр төбәкләр буенча экспедициядә булып, аның вакытында мәктәп киңлекләре дизайнының иң яхшы практикалары белән танышалар. Бу хакта “Татар-информ”га проект командасы әгъзасы, студентлар экспедицияләре кураторы Алена Август сөйләде. Программага төбәкләрдәге 24 мәктәптә , шулай ук Звездный шәһәрчегендә , Мәскәүдә ВДНХ буенча экскурсия һәм Казан югары уку йортына бару кертелгән.
15 төбәктән килгән кунаклар (Мәскәүдән Владивостокка кадәр ) «Иннополис» лицеенда, 188нче күппрофильле лицейда һәм «Адымнар» мәктәбендә, Халыкара мәктәптә һәм «Унбер» күппрофильле лицеенда булдылар. Проект нәтиҗәләре буенча катнашучылар мәгариф учреждениеләрен модернизацияләүнең үз дизайн-проектларын тәкъдим итәчәкләр. Ә тулаем алганда мондый инициативалар ил мәктәпләрен сыйфатлы яңарту мәсьәләләрен хәл итәргә ярдәм итәчәк, дип өметләнә оештыручылар.