Татарстанда юл хәрәкәте иминлеге буенча видеороликларның республика конкурсы узачак
2023 елның 20 ноябреннән 25 декабренә кадәр Татарстан Республикасы Мәгариф һәм фән министрлыгы, Татарстан Республикасы дәүләт идарәсе, мәгълүмат технологияләре һәм элемтәсенең цифрлы үсеше министрлыгы, Татарстан Республикасы буенча юл хәрәкәте иминлеге дәүләт инспекциясе идарәсе, «Балаларның тормыш иминлеге фәнни үзәге» дәүләт учреждениесе, «Юл хәрәкәте иминлеге» дәүләт бюджет учреждениесе, «Татмедиа» матбугат һәм массакүләм коммуникацияләр буенча республика агентлыгы белән берлектә Татарстан Республикасы гомуми белем бирү оешмаларының 5-11 сыйныф укучылары арасында «Мин- укучы» мобиль кушымтасында юл хәрәкәте иминлеге темасына видеороликларның республика конкурсы уздыра.
Конкурста катнашу өчен, укучыларга электрон гариза тутырырга һәм «Конкурслар» сервисындагы «Мин - укучы» мобиль кушымтасында эшне йөкләргә кирәк (теркәү таләп ителми, керү edu.tatar.ru системасыннан хисап язмасы ярдәмендә башкарыла). Конкурста катнашуга гаризалар кабул итү 20 ноябрьдә башлана һәм 2 атна дәвам итә.
Җиңүчеләрнең эшләре https://konkursi.ya-shkolnik.tatar.ru мәгълүмат порталының “Мин - укучы” мобиль кушымтасының “Эшләр галереясы” бүлегендәге битендә бастырылачак.