Россия шәһәрләрендә Бөтендөнья яшьләр фестивале башланырга 100 көнне билгеләп үтәләр

2023 елның 22 ноябре, чәршәмбе

Бөтендөнья яшьләр фестивале башланырга 100 көн  калу уңаеннан бәйрәм чаралары Россиянең төрле шәһәрләрендә узачак. Аның  кысаларында кайбер танылган корылмалар фестивальнең  фирма төсләре белән яктыртылачак.  Бөтендөнья яшьләр фестивалендә катнашуга дөньяның 183 иленнән 250 меңнән артык гариза кергән. Фестивальдә бизнес, медиа, мәгариф, фән, халыкара хезмәттәшлек, мәдәният, спорт, волонтерлык һәм хәйрия өлкәсендә 20 мең яшь лидер катнаша, шул исәптән 10 мең катнашучы чит илдән.