Казан мәгариф учреждениеләренә 10,4 млн сумлык янгын сигнализациясе куелачак

2023 елның 22 ноябре, чәршәмбе

Казанның ике дәүләт учреждениесендә 10, 4 млн сумлык автоматик янгын сигнализациясе, янгын вакытында кешеләрне эвакуацияләү һәм саклау сигнализациясе белән идарә итү системалары урнаштырылачак. Мәгълүмат дәүләт сатып алулары порталында тендерда урнаштырылган.

Идел буе районындагы «Баланы үстерү үзәге - 383 нче балалар бакчасы»нда сигнализация системалары урнаштырылачак. Эшләрнең гомуми бәясе 4,9 млн. сум дип бәяләнә. Шундый ук системалар шәһәрнең шул ук районында «83 нче лицее - Мәгариф үзәге»ндә барлыкка киләчәк. Бәясе - 5,5 млн сум.

Контрактны имзалаганнан соң система 30 көнэчендә  куелырга тиеш. Эшкә гарантия - 12 ай.