Татарстан укучылары өчен эшкуарлык эше буенча бушлай семинарлар узды
«Мәктәп бизнес-старты» республика программасының икенче этабы кысасында укучылар арасында эшкуарлык күнекмәләрен һәм компетенцияләрен үстерүгә юнәлтелгән өйрәтү семинарлары мәгариф учреждениеләре мәйданчыкларында, ә ерак районнар яшәүче йөз укучы өчен - «Идел» Яшьләр үзәгендә узды.
2023 елда «Кече һәм урта эшмәкәрлек» илкүләм проекты кысаларында гамәлгә ашырыла торган «Мәктәп бизнес-стартында» республиканың 28 районыннан 11 меңнән артык бала катнашкан. Нәтиҗәдә, үзләрен иң уңышлы күрсәткәннәр 600 укучы икенче турга, бизнес-проектлауга күчкәннәр. Алар - Казан, Чаллы шәһәрләре һәм шулай ук, республиканың авыллары һәм кече шәһәрләреннән мәктәп укучылары.
Программаның йомгаклау этабы Яңа ел хәйрия мәктәп ярминкәсе һәм 2024 елның февралендә узачак бизнес-кейслар чемпионаты булачак. Анда алдагы этапны уңышлы узучылар катнаша алачак. Мәктәп бизнес-компанияләренең финал слеты киләсе елның апреленә билгеләнгән