Татарстан җыелма командасы «Профессионаллар» чемпионаты финалында катнаша
Петербург «Экспофорум»ында «Профессионаллар» чемпионаты финалы дәвам итә, анда көллият һәм техникум укучылары, шулай ук сәнәгать предприятиеләреннән яшь белгечләр катнаша. Бүген ярышларның өченче һәм тәмамлану көне. Бик җаваплы.
Көллият, техникум студентлары, шулай ук предприятиеләрнең яшь белгечләре хезмәт компетенцияләрендә ярышалар. Бу сәнәгать, янгын куркынычсызлыгы, цифрлы һәм IT-технологияләр, медицина һәм социаль тәрбия буенча. Җиңү өчен Россиянең 62 төбәгеннән 700 финалист көрәшә. Моннан тыш, чемпионатка Беларусия, Әзәрбәйҗан, Вьетнам, Сирия һәм башка илләрдән дә делегацияләр килде.
Чемпионат финалында катнашу өчен Татарстан Республикасы җыелма командасы составына 2023 елда һөнәри осталык буенча төбәк һәм сайлап алу этапларында призлы урыннар алган Бөтенроссия чемпионаты хәрәкәтендә катнашучылар.
Җыелма команда составына 29 мәгариф оешмасыннан һәм бер предприятиедән, барлыгы 40 компетенция буенча 65 конкурсант, шулай ук 45 эксперт-остаз кергән.