2023 елда мәгариф өлкәсендәге үзгәрешләр Мәскәүдә Бөтенроссия киңәшмәсендә тикшерелде
Мәскәүдә ВДНХның 57 нче павильонында мәгариф өлкәсендә хезмәт куючы башкарма органнары җитәкчеләре һәм Россия Мәгариф министрлыгы карамагындагы югары уку йортлары җитәкчеләре өчен Бөтенроссия киңәшмәсе узды. Киңәшмәдә катнашучылар 2023 елда белем бирү юнәлешләре буенча эшләргә йомгак ясадылар һәм 2024 елга планнар билгеләделәр.
Россия Хөкүмәте Рәисе урынбасары Татьяна Голикова хәбәр иткәнчә, 2019 елдан Россиядә мәктәпләр төзү программасы кысаларында 1154 бина файдалануга тапшырылган, ә 2022 елдан капремонт программасы буенча 3 меңнән артык мәктәп бинасы ремонтланган.
Бөтенроссия киңәшмәсендә РФ цифрлы үсеш министры Максут Шадаев әйтүенчә, бөтен Россия буенча 45 мең мәктәп объекты югары тизлекле интернет белән тәэмин ителгән, шуларның 28 меңе авыл җирлегендә.