Мәскәү, Татарстан һәм Петербург фәнни-технологик үсеш рейтингы башында
Мәскәү, Татарстан һәм Санкт-Петербург 2022 елда төбәкләрне фәнни-технологик үстерүнең икенче рейтингын җитәкләделәр. Лидерлар өчлегенә ( 2021 ел) Томск өлкәсен кысрыклап Татарстан керде. Бу хакта РФ фән һәм югары белем министры Валерий Фальков яшь галимнәрнең өченче конгрессында белдерде.
Фальков сүзләренчә, милли фәнни-технологик үсеш рейтингы ун лидер- регионда фәнни тикшеренүләргә һәм эшләнмәләргә эчке чыгымнар 2022 ел мәгълүматлары буенча 600 млрд сум тәшкил иткән. "2022 ел мәгълүматлары буенча, тикшерелгән ун төбәктә фәнни тикшеренүләргә һәм эшләнмәләргә эчке чыгымнарның гомуми күләме 597 млрд 200 млн сум тәшкил иткән", - диде ул. Министр, күпчелек регионнарда 2021 ел белән чагыштырганда эчке чыгымнар күләме артуы күзәтелә, уртача үсеш 9% чамасы тәшкил итте, дип өстәде.
Мәскәү өлкәсе, Санкт-Петербург һәм Түбән Новгород тикшеренүләргә һәм эшләнмәләргә эчке чыгымнар күләме буенча лидерлар булып тора. Аларга 400 млрд сумнан артык акча туры килә.
Яшь галимнәрнең өченче конгрессы 28-30 ноябрьдә "Сириус" фән һәм сәнгать паркында эшләде. ТАСС Конгрессның генераль мәгълүмат партнеры.