Дәүләт Думасына мәктәпләрдә, белем бирү максатларында да телефон куллануны тыю турында төзәтмәләр керттеләр

2023 елның 4 декабре, дүшәмбе

Дәресләрдә мобиль телефоннар, планшетлар һәм башка гаджетларны тыю турындагы резонанслы закон проекты тагын да катгыйланырга мөмкин. Әгәр дә беренче укылышта хупланган документ версиясендә балалар җайланмаларны белем бирү максатларында куллана алачак дип фаразланган булса, хәзер бу искәрмәне бетерергә тәкъдим итәләр. Дәүләт Думасына икенче укылышка тиешле төзәтмәләр кертелде.  Ачыкланганча, тыю башлангыч гомуми, төп гомуми һәм урта гомуми белем бирү программаларын үзләштергәндә уку дәресләрен үткәрү вакытында гамәлдә була.

Искәрмәне укучыларның, белем бирү учреждениесендә эшләүчеләрнең гомеренә һәм сәламәтлегенә куркыныч янаган очраклар өчен генә калдырырга тәкъдим ителде. Бу чыгарма беренче уку версиясендә дә язылган иде.