Биектау бакчаларының кайберләрендә ясле төркемнәре оештырылмаган

Бу хәл Россия Конституциясе һәм белем турындагы закон таләпләренә каршы килә
Кукмара муниципаль районындагы башкарма комитетының мәктәпкәчә белем бирү учреждениеләрен яңа уку елына комплектлау турындагы карары закон таләпләренә җавап бирәме – прокуратура шул мәсьәләне тикшерде, дип хәбәр итте район прокуроры, юстициянең өлкән киңәшчесе Миннемулла Нәҗипов.
Нәтиҗәдә, “Березка”, “Чулпан”, “Радуга”, “Ручеек”, “Ләйсән”, “Колокольчик”, “Рябинушка”, “Ромашка” балалар бакчаларында 3 яшьтән 7 яшькә кадәр генә төркемнәр комплектланганы, 1 яшьтән 3 яшькә кадәрге ясле төркеме оештырылмаганы ачыкланган. Бу хәл Россия Конституциясе һәм белем турындагы закон таләпләренә каршы килә, 1-3 яшьтәге сабыйларның хокукларын һәм аларның әти-әниләренең законлы мәнфәгатьләрен кыса, дип белдерде район прокуроры.