Татарстанда күпмилләтле якшәмбе мәктәпләре укучылары фестивале тәмамланды
14 декабрьдә Татарстан халыклары дуслыгы йорты базасында Татарстан Республикасы күпмилләтле якшәмбе мәктәпләре һәм этномәдәни компонентлы мәктәп укучылары фестиваленең җиңүчеләрен бүләкләү һәм гала-концерт булды. Фестиваль хореография, вокал, халык иҗаты номинацияләре буенча үткәрелде. Анда 1-4, 5-8 һәм 9-11 сыйныф укучылары катнашты.
Фестивальнең зона этабы Яр Чаллыда, Әлмәттә, Казанда узды.
Фестивальдә катнашу өчен 120 коллектив гариза биргән . Зона этабында Татарстанның 30 муниципаль районыннан 1020 укучы катнашты.
Жюри рәисе - Таишева Римма Мөбәрәковна, Казан дәүләт мәдәният институты доценты, ТАССРның халык артисты.
Гран-при иясе - Казанның Вахитов районы күп милләтле якшәмбе мәктәбенең “Сакартвело” хореографик коллективы, җитәкчесе ТР атказанган мәдәният хезмәткәре Теа Фридовна Пертай .