Миңнеханов биш укытучыны "Фидакарь хезмәт өчен" медале белән бүләкләде

2024 елның 5 феврале, дүшәмбе

ТР Рәисе Рөстәм Миңнеханов биш укытучыны  "Фидакарь хезмәт өчен" ТР медале белән бүләкләү турында указга кул куйды.   "Мәгариф системасын үстерүгә зур өлеш керткәне һәм күпьеллык нәтиҗәле хезмәте өчен", - диелә документта.

Медальгә Яшел Үзән районының А.С.Пушкин исемендәге 9 нчы лицееның рус теле һәм әдәбияты укытучысы Татьяна Гайфуллина, Чистай районының 3 нче гимназиясенең физкультура укытучысы Анатолий Гуляков, Казанның Идел буе районындагы 6 нчы гимназия директоры Ольга Баклашова, Мамадыш политехник көллиятенең җитештерү остасы Рәис Камалеев һәм Казанның Совет районы инженерлык үзәге директоры Венера Хәйретдинова лаек булдылар.