КФУда ТР Мәгариф һәм фән министрлыгы коллегиясе утырышы узды
Казан федераль университетының Филология һәм мәдәниятара багланышлар институтында Татарстан Республикасы Мәгариф һәм фән министрлыгы коллегиясенең күчмә утырышы узды. Югары уку йортлары һәм педкөллиятләр җитәкчеләре, психолог-педагогик сыйныфлар директорлары, ТР Мәгариф һәм фән министрлыгы башкарма комитетлары җитәкчеләре урынбасарлары, шулай ук мәгариф һәм методик хезмәтләр өлкәсендә җирле үзидарә органнары анда катнашты.
Пленар доклад белән ТР мәгариф һәм фән министрының беренче урынбасары Поминов А.И. чыгыш ясады. Доклад турында фикер алышуда РФ Мәгариф министрлыгының педагогик хезмәткәрләрне әзерләү, һөнәри үстерү һәм социаль тәэмин итү департаменты директоры урынбасары Сергей Антонов, КФУ президенты Рияз Минзарипов, ТР Фәннәр академиясе президенты Рифкать Миңнеханов, Мәскәү педагогика дәүләт университеты ректоры киңәшчесе Л.А.Трубина һәм башкалар чыгыш ясады.
И.Һадиуллин утырышка старт бирде һәм, коллегиядә катнашучыларга мөрәҗәгать итеп, республиканың педагогик юнәлештәге проектларга җәлеп ителүен ассызыклады.
Министр яшь укытучылар өчен «Безнең яңа укытучы» грантын яңарту турында карар кабул ителгәнен, укытучылар скверы булдыру һәм укытучыга һәйкәл кую буенча эш башлануын әйтте. Ул шулай ук КФУ базасында "Белем" мәгариф музее оештыруны игълан итте.
Казан университетында махсус белем бирү программалары гамәлгә ашырыла, бу хакта Рияз Минзарипов сөйләде. Аерым алганда, филология һәм мәдәниятара багланышлар институты базасында ТР ярдәмендә би- һәм полилингваль укытучылар әзерләнә. Моннан тыш, университет базасында Edutech КФУның Цифрлы мәгариф технологияләре үзәге эшли, шулай ук «Казан шәһәренең яңа педагогик сыйныфы» проекты уңышлы тормышка ашырыла.