«РобоСабантуй-2024» фестивале Казанда робот техникасын яратучы 700 дән артык яшь кешене җыйды
Казан IT-паркында «РобоСабантуй-2024» робот техникасы V балалар фестивале уза. Бәйрәм Татарстаннан 4 яшьтән 17 яшькә кадәрге 700 дән артык һәм Идел буеның берничә төбәгеннән катнашучыларны җыйды. "РобоСабантуй-2024" ы - Гаилә елына һәм Фәнни-технологик үсеш елына багышланган. Уйлап табучыларны хупларга аларның остазлары, педагоглары гына түгел, ата-аналары да килгән, шуңа күрә вакыйганы балалар фестивале түгел, ә гаилә фестивале дип атарга була, диде Татарстан мәгариф һәм фән министры Илсур Һадиуллин.
"Бу безнең булачак инженерлар, табиблар, укытучылар, галимнәр һәм программистлар. Татарстанда робототехника, безнең җитәкчелек ягыннан шундый юнәлешкә зур игътибар бирелүе күңелле. Балалар фестивальгә Татарстаннан гына түгел, илнең башка төбәкләреннән дә киләләр. Шундый берләшү нәтиҗәсендә ныклы дуслык, интеллектуаль яктан бай гаилә төзелә», - дип билгеләп үтте Татарстан Республикасы Мәгариф һәм фән министрлыгы башлыгы.
Фестиваль нәтиҗәләре буенча җиңүче команда Татарстанны Красноярскидагы Бөтенроссия робототехнология конкурсына тәкъдим итәчәк. "Робототехника, фән һәм уйлап табуга кызыксыну балаларда дүрт яшьтән башлана. "РобоСабантуй" - бу балалар үзләрен күрсәтә ала торган мәйданчык, бөтенроссия олимпиадаларында һәм конкурсларында катнаша башлау, халыкара дәрәҗәгә чыгу. Жюри командада эшли белүен, проектның креативлыгын һәм кирәклеген бәяли», - дип ассызыклады ТР Дәүләт Советы депутаты, «Бала-Сити» гомуми белем бирү оешмасы» АНО генераль директоры Альбина Насыйрова.